"Mançester Yunayted" Qaranaçonu satmaq istəyir

"Aston Villa"nın hücumçusu Olli Uotkins "Mançester Yunayted" klubunun maraq dairəsinə düşüb.

90deqiqe.Az “Manchester Evening News”a istinadən xəbər verir ki, Premyer Liqa klubları arasında Uotkinslə "qırmızı şeytanlar"ın cinah oyunçusu Alexandro Qaranaçonun dəyişdirilməsi ehtimalı müzakirə olunur.

Məlumata görə, daha əvvəl "Mançester Yunayted" 21 yaşlı futbolçunu 70 milyon funt sterlinq dəyərində qiymətləndirirdi. Lakin klubun argentinalını satmaq istəməsi bu məbləğə real alıcı tapmağı çətinləşdirir.

Qaranaço 2023/24 mövsümündə "Mançester Yunayted"in heyətində 58 matçda forma geyinib, 11 qol və 10 assistlə yadda qalıb. Onun klubla olan mövcud müqaviləsi 2028-ci ilin yayına qədər qüvvədədir. Transfermarkt portalı argentinalı oyunçunun bazar dəyərini 45 milyon avro olaraq göstərir.