“Karyeramın ən yaxşı baş məşqçisi Spallettidir”

“Liverpul”un hücumçusu Məhəmməd Salah peşəkar karyerası ərzində çalışdığı ən yaxşı baş məşqçinin adını açıqlayıb.

90deqiqe.Az-ın “France Football”a istinadən yaydığı xəbərə görə,misirli ulduz bu baxımdan nə Yurgen Kloppu, nə də Arne Slotu birinci yerə layiq görüb. Salahın fikrincə, onun inkişafında əsas rolu “Roma”dakı sabiq çalışdırıcısı Luçano Spalletti oynayıb.

“Spalletti – həyatımın ən yaxşı məşqçisidir. Onun rəhbərliyi altında yalnız taktiki deyil, həm də mental baxımdan çox irəliləmişdim. O, mənə istedadımı nümayiş etdirmək və daha yaxşı futbolçuya çevrilmək fürsəti verdi”

Qeyd edək ki, misirli hücumçu Spallettinin rəhbərliyi altında “Roma” forması ilə 62 oyunda 28 qol vurub, 20 məhsuldar ötürmə verib.