"Bruno Fernandeş komandamızın lideridir”

"Mançester Yunayted"in baş məşqçisi Ruben Amorim komandanın portuqaliyalı yarımmüdafiəçisi Bruno Fernandeşin rolunu yüksək qiymətləndirib.

90deqiqe.Az-ın məlumatına görə, təcrübəli çalışdırıcı, futbolçunun yalnız meydanda deyil, həm də meydandan kənarda vacib fiqur olduğunu bildirib.

“Brunu bizim liderimizdir. O, təkcə meydanda deyil, həm də onun xaricində komanda üçün çox önəmlidir. Həmişə nümunə göstərir, böyük əzmlə çalışır və bəzən ağrılarla oynayır”

Mütəxəssis əlavə edib ki, Fernandeşin oyun zamanı bəzən komanda yoldaşlarının vəzifələrini də yerinə yetirməyə çalışması istər-istəməz mənfi nəticələrə gətirib çıxarır: “Bəzən o, hər şeyi özü etmək istəyir. Bu da oyunun balansına təsir edir”.

Qeyd edək ki, Bruno Fernandeş bu gün keçirilmiş yoldaşlıq görüşündə “Mançester Yunayted”in “Vest Hem” üzərində qazandığı 2:1 hesablı qələbədə əsas fiqur olub. Təcrübəli yarımmüdafiəçi dubla imza atıb.