“Mançester Yunayted”də lider oyunçular bəllidir”

"Mançester Yunayted"in baş məşqçisi Ruben Amorim komandanın lider oyunçuları barədə danışıb.

90deqiqe.Az-ın “Sky Sports”a istinadən məlumatına görə, portuqaliyalı mütəxəssis hazırda komanda daxilində məsuliyyət daşıyan altı futbolçunun adını çəkib:

“Hazırda liderlik qrupunda altı məsuliyyətli oyunçu var: Bruno Fernandeş, Harri Maquayr, Lisandro Martines, Diogu Dalot, Tom Hiton və Nusayr Mazraui.
Keçən il bəzi məsələlərə şəxsən mən qarışmalı olurdum. Amma indi futbolçulara dedim ki, bu sizin məsuliyyətinizdir. Əgər xırda problemlər varsa, öz aranızda həll edin. Bu cür kiçik dəyişikliklər komandanın daha yaxşı olmasına yardım edir”.

“Qırmızı şeytanlar” avqustun 4-də "Everton", 9-da isə "Fiorentina" ilə yoldaşlıq oyunu keçirəcək. Premyer Liqanın ilk turunda isə Amorimin komandası 17 avqustda "Arsenal"la qarşılaşacaq.