- İngiltərə P.L.
- 22:13 18.06.2026
Niderlandlı müdafiəçi Yorrel Hato, Todd Boelinin rəhbərliyi dövründə "Çelsi" klubunun heyətinə qoşulan 50-ci futbolçu olub.
90deqiqe.Az-ın məlumatına görə, ötən gün "Çelsi" "Ayaks"dan Hatonun keçidini rəsmiləşdirib. Gənc müdafiəçi İngiltərə klubu ilə 2032-ci ilin yayına qədər nəzərdə tutulan uzunmüddətli müqavilə imzalayıb. Transferin məbləği "Transfermarkt"ın məlumatına görə, 43 milyon avro təşkil edir.
Xatırladaq ki, Todd Boeli 2022-ci il iyunun 20-də "Çelsi"nin İdarə Heyətinin sədri vəzifəsinə təyin olunub. Həmin vaxtdan bəri London klubu ümumilikdə 50 transfer həyata keçirib. 2022/2023 mövsümündə 17, 2023/2024 mövsümündə 12 futbolçu ilə müqavilə imzalanıb. 2024/2025 mövsümündə isə bu rəqəm 13-ə çatıb.
2025/2026 mövsümünə hazırlıq çərçivəsində "Çelsi" artıq 8 yeni futbolçunu heyətinə qatıb: "Brayton"dan Joao Pedro, Dortmund "Borussiya"sından Ceymi Gittens, "Norviç"dən Liam Delap, "Palmeyras"dan Estevao, "Sportinq"dən Dario Essugo, "Strasburq"dan Mamadu Sarra, "İndependyente"dən Kendri Paes və son olaraq "Ayaks"dan Yorrel Hato.
