"Mançester Siti" Ruben Diaşla yeni müqavilə üçün razılığa gəlib

"Mançester Siti" portuqaliyalı müdafiəçi Ruben Diaşla yeni müqavilə imzalamaq üçün prinsipial razılıq əldə edib.

90deqiqe.Az-ın məlumatına görə, tərəflər uzunmüddətli müqavilə ilə bağlı razılığa gəliblər. 28 yaşlı mərkəz müdafiəçisinin hazırkı müqaviləsi 2027-ci ilin iyununda başa çatır. Yeni müqavilənin detalları yaxın günlərdə rəsmiləşəcək.

Ruben Diaş 2020-ci ilin sentyabr ayından "şəhərlilər"in formasını geyinir. O, ötən mövsüm bir neçə matçda "Mançester Siti"yə kapitanlıq etmişdi.

2024/2025 mövsümündə Diaş bütün turnirlərdə ümumilikdə 44 oyunda meydana çıxıb, lakin məhsuldar göstərici (qol və ya assist) ilə fərqlənməyib.