- İngiltərə P.L.
- 23:27 20.03.2026
"Çelsi" klubu 2025-ci il Klublararası Dünya Çempionatının qalibi kimi xüsusi nişanlı forma dəstini təqdim edib.
90deqiqe.Az-ın məlumatına görə, London klubu "X" hesabında paylaşdığı fotoda mavi rəngli formanı nümayiş etdirib. Formanın sinə hissəsində, mərkəzdə, dairəvi formada "Dünya Çempionları 2025" nişanı yer alıb.
"Çempionlar – dünya səviyyəsində", – deyə klubun mətbuat xidməti paylaşımı şərh edib.
Xatırladaq ki, ABŞ-da keçirilən Klublararası Dünya Çempionatının finalında Enzo Mareskanın başçılıq etdiyi "Çelsi" komandası Fransa təmsilçisi PSJ-ni 3:0 hesabı ilə məğlub edərək turnirin qalibi olub. Bu, London klubunun 2024/2025 mövsümündə qazandığı ikinci titul olub – komanda daha əvvəl UEFA Konfrans Liqasının qalibi olmuşdu.
Digər tərəfdən, məğlub tərəf olan PSJ mövsümdə beşinci titul şansını əldən verib.
