Aleksandr İsak “Nyukasl”ın bazasına qayıtdı

İsveçli hücumçu Aleksandr İsak bu gün səhər saatlarında İngiltərə Premyer Liqası klubu “Nyukasl”ın təlim-məşq bazasına qayıdıb.

90deqiqe.Az-ın "Sky Sports"a istinadən yaydığı məlumata görə, futbolçu bud nahiyəsindəki zədədən sonra bərpa prosesinin bir hissəsi kimi bazada üç saat yarım müddətində fərdi çalışmalarda iştirak edib.

Qeyd edək ki, daha öncə İsak bir müddət “Nyukasl”ın düşərgəsini tərk etmiş və fərdi məşqlərini sabiq klubu olan “Real Sosyedad”ın bazasında davam etdirmişdi.

Əlavə edək ki,  “Liverpul” Aleksandr İsak üçün “Nyukasl”a yeni təklif göndərə bilər. Lakin bu, yalnız “Nyukasl” hücum xəttinə əvəzləyici transfer etdikdən sonra baş verə bilər.