“İndi məğlubiyyətin dadını bildiyimiz üçün qələbələr daha şirin olacaq”

“Mançester Siti”nin futbolçusu Bernardo Silva yeni mövsüm öncəsi komandanın əhval-ruhiyyəsi barədə danışıb.

90deqiqe.Az xəbər verir ki, "City Xtra" portuqaliyalının dediklərini belə çatdırıb.

“Uduzmaqdan nifrət edirəm. Amma indi məğlubiyyətin dadını bildiyimiz üçün qələbələr daha şirin olacaq. Keçən mövsüm çox ağrılı oldu, amma biz yenidən kuboklara susamışıq. Düşünürəm ki, əvvəlki emosional səviyyəmizə qayıtmışıq və yenidən qələbə arzusuyla doluyuq”.

Qeyd edək ki, Qvardiolanın rəhbərlik etdiyi kollektiv ötən mövsüm yalnız İngiltərə Superkubokunu qazanmağa müvəffəq olub. “Mançester Siti” ötən mövsümü İngiltərə Premyer Liqasında isə 3-cü pillədə tamamlayıb. Komanda yeni mövsümə avqustun 16-da “Vulverhempton”un qonağı kimi start verəcək.