"Mançester Yunayted" Harri Maquayrı satmayacaq

"Mançester Yunayted" yay transfer pəncərəsindəki xərclərdən sonra büdcəsini balanslaşdırmaq üçün bir neçə futbolçu ilə yollarını ayırmağı planlaşdırır.

90deqiqe.Az-ın "Football Insider"ə istinadən məlumatına görə, klub mərkəz müdafiəçisi Harri Maquayrı satmaq fikrində deyil. Baş məşqçi Ruben Amorim 32 yaşlı futbolçunun çıxışından tam razıdır. Bundan başqa, "qırmızı şeytanlar" yay transfer pəncərəsinin qalan müddətində müdafiəçi almağı da planlaşdırmır.

Qeyd edək ki, bu yay Maquayr üçün bir neçə təklif gəlsə də, "Mançester Yunayted" onların hamısını rədd edib. Təcrübəli futbolçu ötən mövsüm bütün turnirlərdə 40 oyunda meydana çıxaraq 4 qol vurub və 1 məhsuldar ötürmə edib. Onun klubla müqaviləsi gələn il başa çatacaq.