“Kyeza möhtəşəm insandır, hamımız onun yanındayıq”

"Liverpul"un müdafiəçisi Vircil van Deyk komanda yoldaşı Federiko Kyezanın oyununu yüksək qiymətləndirib. 

90deqiqe.Az xəbər verir ki, niderlandlı futbolçu bu barədə jurnalistlərə açıqlamasında deyib.

"Fede möhtəşəm insandır. O, çox çalışır, sadəcə zədələr onun bəxtini bir qədər gətirmədi. Amma biz hamımız buradayıq və yaxşı bilirik ki, o, komandaya necə təsir göstərə bilər. O, əla insandır və hamımız onu sevirik. 'Bornmut'la oyunda gördüyümüz anlar bizə ondan gözlədiyimizi göstərir."

Qeyd edək ki, dünən italiyalı futbolçu "Bornmut"la oyunda həlledici qolu vuraraq mersisaydlılara Premyer Liqanın ilk turunda 4:2 hesablı qələbə qazandırıb.

Əlavə edək ki, 26 yaşlı hücumçu 2024-cü ilin yayından "Liverpul"da çıxış edir. Ötən mövsüm o, bütün turnirlərdə 14 matça çıxaraq 2 qol və 2 məhsuldar ötürmə ilə yadda qalıb.