“Mançester Yunayted” yalnız qələbə üçün oynamalıdır”

"Mançester Yunayted"in yarımmüdafiəçisi Kazemiro İngiltərə Premyer Liqasının ilk turunda "Arsenal"a qarşı keçirilən oyunda alınan məğlubiyyət barədə fikirlərini bölüşüb.

90deqiqe.Az xəbər verir ki, "BeIN Sports" braziliyalının dediklərini belə çatdırıb.

“Mançester Yunayted” yalnız qələbə üçün oynamalıdır. Yaxşı imkanlarımız oldu, lakin nəticə istədiyimiz kimi olmadı. Düşünürəm ki, komanda düzgün yoldadır. Son illərdə bir neçə finala yüksəldik, lakin hələ ki, o arzuladığımız qələbə çatışmır”.

Qeyd edək ki, "qırmızı şeytanlar" doğma meydanda London təmsilçisinə 0:1 hesabı ilə məğlub olub. Ruben Amorimin başçılıq etdiyi “Mançester Yunayted” növbəti turda səfərdə “Fulhem”in qonağı olacaq. Görüş 24 avqust, bazar günü keçiriləcək.