"Qələbə qazanmaq üçün hələ çox acam"

"Liverpul"un hücumçusu Məhəmməd Salah Mersisayd klubu ilə müqaviləsini 2027-ci ilin yayına qədər uzatmaq qərarına gəlməsinin səbəbini açıqlayıb.

90deqiqe.Az-ın məlumatına görə, misirli forvard bu barədə klubun rəsmi saytına açıqlamasında bildirib.

"Qələbə qazanmaq üçün hələ çox acam - buna görə də "Liverpul"la iki illik müqavilə imzaladım. Premyer Liqada, bu səviyyədə oynamaq əladır. Həmçinin, 33 yaşımda komandaya daha çox şey verə biləcəyimi hiss edirəm. Bu, məni qürurlandırır, çünki bunun üçün çox çalışıram. Bu barədə bunu deyə bilərəm"

Salah 2017-ci ildən "Liverpul"da çıxış edir.İngiltərə çempionatının ötən mövsümündə misirli futbolçu 38 matçda iştirak edib, 29 qol vurub, 18 məhsuldar ötürmə edib.