Koul Palmer sıradan çıxdı

“Çelsi” İngiltərə Premyer Liqasının I turunda “Vest Hem”lə oyuna start heyətində dəyişiklik edib.

90deqiqe.Az-ın məlumatına görə, yarımmüdafiəçi Koul Palmer zədələndiyi üçün oyuna başlamayıb və onun yerinə Estivao Vilian meydana çıxıb.

Hazırda görüş “Çelsi”nin 3:1 hesablı üstünlüyü ilə davam edir.

Palmer oyunöncəsi isinmə zamanı zədələnib və matçı ehtiyat oyunçular skamyasından izləyir.

Qeyd edək ki, Palmer 2023-cü ilin payızında “Mançester Siti”dən “Çelsi”yə transfer olunub. Ötən mövsüm futbolçu bütün turnirlərdə 52 oyuna çıxaraq 18 qol vurub və 14 məhsuldar ötürmə edib. Onun klubla hazırkı müqaviləsi 2033-cü ilin yayına qədər qüvvədədir. Transfermarkt portalına görə, Palmerin bazar qiyməti 120 milyon avrodur.