“Ezenin gəlişi hücumumuza yeni nəfəs verəcək”

“Ebereçini “Arsenal”a gətirməkdən inanılmaz dərəcədə məmnunuq" “Arsenal”ın baş məşqçisi Mikel Arteta yeni transfer – Ebereçi Ezenin komandaya qoşulması ilə bağlı fikirlərini bölüşüb.

90deqiqe.Az məlumatına görə, bu sözləri “Arsenal”ın baş məşqçisi Mikel Arteta klubun rəsmi saytına açıqlamasında deyib. 

"O, güclü və təsirli oyunçudur, hücum futbolumuza tamamilə yeni bir ölçü qatacaq. Onun istedadı və oyun intellekti ilə yanaşı, karyerası boyunca göstərdiyi zəhmət və əzmkarlıq da bizi heyran edir” 

Xatırladaq ki, 27 yaşlı yarımmüdafiəçi “Kristal Pelas” klubunda son 5 ili keçirib və ötən mövsüm Premyer Liqanın ən məhsuldar yarımmüdafiəçilərindən biri olub. Maraqlıdır ki, futbolçu uşaq yaşlarında məhz “Arsenal” akademiyasının yetirməsi olub və bu transfer onun üçün bir növ geri dönüş xarakteri daşıyır.

Eze bu yay “Arsenal”a böyük məbləğ qarşılığında transfer olunub və yeni mövsümdə 10 nömrəli formanı daşıyacaq.