“Hədəfimiz üç il ərzində Premyer Liqanı qazanmaqdır”

“Mançester Yunayted”in baş məşqçisi Ruben Amorim klubun yaxın illər üçün strateji planlarından danışıb.

90deqiqe.Az məlumatına görə, portuqaliyalı mütəxəssis bu barədə klubun rəsmi saytına açıqlamasında bildirib.

“Düşünürəm ki, hamıya məlumdur – bizim əsas hədəfimiz bu mövsüm yox, qarşıdakı üç il ərzində İngiltərə Premyer Liqasını qazanmaqdır. Bu məqsədə çatmaq üçün müəyyən addımları izləyəcəyik. Amma bu klubda hər şey hər həftə dəyişə bilər, buna hazır olmalıyıq. Səs-küyə fikir vermədən işimizi görməli və matçları qazanmağa çalışmalıyıq”

Qeyd edək ki, Premyer Liqanın yeni mövsümündə “Mançester Yunayted” ilk turda öz meydanında “Arsenal”a 0:1 hesabı ilə məğlub olub.