“Qələbə istəyi bizi oyundan uzaqlaşdırdı”

"Mançester Yunayted"in baş məşqçisi Ruben Amorim İngiltərə Premyer Liqasının 2-ci turunda "Fulhem"lə keçirilən və 1:1 hesablı heç-heçə ilə nəticələnən oyunu dəyərləndirib.

90deqiqe.Az-ın məlumatına görə, portuqaliyalı mütəxəssis komandasının qolu vurduqdan sonra oyunu saxlaya bilmədiyini bildirib.

“Çətin oyun oldu. Düşünürəm ki, biz qol vurduqdan sonra düzgün oyunu necə davam etdirməyi unutduq. Yalnız nəticəni qorumağı düşündük. Qələbəyə o qədər fokuslandıq ki, topa nəzarəti unudaraq rəqibə təzyiq göstərməyə çalışdıq. Bu isə bizi oyundan uzaqlaşdırdı və "Fulhem"ə bir qədər təşəbbüs verdik. Oyuna yaxşı başlamışdıq və qola qədər də çox yaxşı oynayırdıq. Lakin qoldan sonra fikrimcə, yalnız üstünlüyü qorumağı düşündük və bunu bacarmadıq"