"Hoylundun yoxluğu sistemimizi dəyişməyəcək”

"Mançester Yunayted"in baş məşqçisi Ruben Amorim yeni mövsümdə danimarkalı hücumçu Rasmus Hoylundsuz komandanın çıxışı ilə bağlı fikirlərini bölüşüb.

90deqiqe.Az məlumatına görə, təcrübəli çalışdırıcı futbolçuların hücumçusuz yeni sistemə uyğunlaşmaqda çətinlik çəkmədiyini bildirib:

“Rasmus Hoylundsuz oynamağa uyğunlaşmaq lazım oldumu? Xeyr, bu səviyyədə bu, normal haldır. [Mateus] Kunya bu rolu yerinə yetirə bilər. O, əvvəlki klubunda həm hücumçu, həm də ‘10 nömrə’ mövqeyində çıxış edib. Son oyunlarda Meyson Mauntla birlikdə bəzən daha sərt və aqressiv oynadığımızı hiss etdim. Ona görə də rəqiblərə uyğun şəkildə dəyişikliklər edəcəyik ki, qələbə qazana bilək,” – deyə Amorim klubun rəsmi saytına açıqlamasında qeyd edib. 

Qeyd edək ki, Hoylund bu mövsüm indiyədək heç bir oyunda iştirak etməyib və futbolçunun yay transfer dönəmində klubdan ayrılacağı ehtimal olunur.