16 yaşında bunu bacaran ikinci oyunçu oldu

İngiltərə Premyer Liqasının 2-ci turunda "Liverpul" klubunun hücumçusu Riyo Nqomoha 16 yaşında və 361 günlüyündə qələbə qolunu vuraraq Premyer Liqada tarixə düşüb.

90deqiqe.Az-ın məlumatına görə,  o, "Nyukasl"la keçirilən oyunda (3:2) qalibiyyət qolunu qeyd edib və yalnız 16 yaşında belə bir uğura imza atan ikinci futbolçu olub.

Rekord isə Ueyn Runiyə məxsusdur. 2002-ci ildə "Everton"da çıxış etdiyi dövrdə, Ueyn Runi 16 yaşında və 360 günlüyündə Premyer Liqada ilk qələbə qolunu atmışdı. Bu hadisə o dövrün futbol tarixində əlamətdar anlardan biri sayılır.

Hal-hazırda İngiltərə Premyer Liqasının 2-ci turunun sonunda "Arsenal", "Tottenham" və "Liverpul" komandaları 6 xalla liderlər sırasındadır. Eyni zamanda, iki oyunda məğlub olmuş "Vest Hem" və "Vulverhempton", eləcə də yalnız bir xalı olan "Braiton" komandaları düşmə zonasında yer alır.