“De Xeanı buraxmaq səhv idi”

“Mançester Yunayted”in sabiq müdafiəçisi Rio Ferdinand klubun 2023-cü ilin yayında qapıçı David de Xea ilə yollarını ayırmasına münasibət bildirib.

90deqiqe.Az-ın məlumatına görə, 46 yaşlı keçmiş oyunçu bu qərarı anlaşılmaz olduğunu qeyd edib.

“Mən heç vaxt De Xeanı buraxmazdım. Onun klubdan getməsinə icazə verilməsini anlamıram. De Xeanı göndərməyə qərar verən şəxs işdən uzaqlaşdırılmalı idi. ‘Qızıl əlcək’i qazanmış, son 6-7 ilin ən azı 3-4 mövsümündə komandanın ən yaxşısı olmuş futbolçuya ‘sağ ol, yolun açıqdır’ demək olmaz,” – deyə Ferdinand özünün Rio Reacts podkastında bildirib.

Hazırda ispan qolkiper karyerasını İtaliyanın “Fiorentina” klubunda davam etdirir. “Mançester Yunayted” isə İngiltərə Premyer Liqasının ilk iki turunda cəmi 1 xal toplaya bilib.