“Nəticələrimiz hələ istədiyimiz səviyyədə deyil”

“Vest Hem” komandasının baş məşqçisi Qrem Potter yeni futbol mövsümündə “cübbəlilər”in uğursuz startı barədə danışıb.

90deqiqe.Az xəbər verir ki, "BBC" çalışdırıcının dediklərini belə çatdırıb.

“Hamımız üçün bu ağrılıdır. Mövsümöncəsi hazırlıq ümidverici idi, amma nəticələr gözləntilərimizə uyğun olmadı. Gizlətmirik, işlər yaxşı getmir. Eyni zamanda komandamızda oyunçular arasında çox yaxşı anlaşma var və mən düşünmürəm ki, yaxşı nəticə qazanmaqdan uzağıq”

Qeyd edək ki, “Vest Hem” bütün turnirlər üzrə ilk üç oyununu uduzub, Premyer Liqada isə hazırda sonuncu yerdədir və 0 xal toplayıb.

III turun çərçivəsində “Vest Hem” bu şənbə, avqustun 30-da səfərdə “Nottingem Forest”la qarşılaşacaq.