“Luis Enrike ilə münasibətlərim həmişə əla olub”

İtaliyalı qapıçı Canluici Donnaruma PSJ-dən “Mançester Siti”yə transferindən sonra keçmiş baş məşqçisi Luis Enrike barədə fikirlərini bölüşüb.

90deqiqe.Az xəbər verir ki, "Football Italia" təcrübəli qolkiperin dediklərini belə çatdırıb.

“Baş məşqçi ilə münasibətlərim hər zaman əla olub. Kluba gəldiyim ilk gündən etibarən o, mənimlə səmimi davranıb. Məyus olmuşammı? Bilmirəm. Hər kəs öz seçimində azaddır. Məşqçinin qərar vermək haqqı var. Amma komanda yoldaşlarımın və ətrafımdakı insanların dəstəyi mənə PSJ üçün nə qədər çalışdığımı anlamağa kömək etdi. Məncə, ən önəmlisi də budur. Futboldan kənarda da həmin dəstəyin qalması, həmçinin komanda yoldaşlarımın yanımda olması mənim klub üçün etdiklərimlə qürur duymama səbəb olur”