“Qallaheri komandamıza qatmaq istəyirdik, amma alınmadı”

“Mançester Yunayted”in baş məşqçisi Ruben Amorim yay transfer pəncərəsində Madridin “Atletiko” klubunun yarımmüdafiəçisi Konor Qallaherlə müqavilə imzalanmamasına görə narazılığını bildirib.

90deqiqe.Az-ın məlumatına görə, bu barədə "TEAMtalk" məlumat yayıb.

Məlumata görə, portuqaliyalı mütəxəssis Qallaheri, Kobi Maynun yerinə alternativ kimi görürdü. Mayn bu mövsümü icarə əsasında başqa klubda keçirmək istəyirdi ki, daha çox oyun praktikası əldə etsin və 2026-cı il dünya çempionatında İngiltərə millisində iştirak edə bilsin. Amorim Maynun icarə istəyinin klub tərəfindən təmin olunmamasından məyus olduğunu bildirib.

Ötən mövsüm Qallaher bütün turnirlərdə 50 oyunda iştirak edib, 4 qol vurub və 6 məhsuldar ötürmə edib. Futbolçunun mövcud müqaviləsi 2029-cu ilin yayına qədər etibarlıdır. Transfermarkt portalının məlumatına görə, oyunçunun bazar qiyməti 40 milyon avrodur.