Martinelli azarkeşlərin tənqidinə cavab verdi

“Arsenal”ın hücumçusu Qabriel Martinelli azarkeşlərin tənqidlərinə münasibət bildirib.

90deqiqe.Az xəbər verir ki, braziliyalı futbolçu bu barədə jurnalistlərə açıqlama verib.

“İnternetdə özümə qarşı tənqid görürəm və bu məni üzüb. Qol vuranda mənə ‘Ronaldinyo’ deyirlər, vurmayanda isə təhqir edirlər. Sizə söz verirəm ki, bu mövsüm adımı tez-tez eşidəcəksiniz, qol vuracağam və məhsuldar ötürmələr edəcəyəm”.

Qeyd edək ki, Martinelli 2019-cu ildən “Arsenal”ın şərəfini qoruyur. Cari mövsümdə o, Premyer Liqada iki oyunda iştirak edib, lakin məhsuldar hər hansı göstəriciyə imza ata bilməyib. 13 sentyabrda “Arsenal” evdə “Nottingem Forest”la qarşılaşacaq.