“Gələcəyimi nəticələr müəyyənləşdirəcək”

“Mançester Siti”nin baş məşqçisi Xosep Qvardiola klubdakı gələcəyi barədə açıqlama verib.

90deqiqe.Az-ın məlumatına görə, ispan mütəxəssis uzunmüddətli planlar qurmadığını və komandada neçə il qalacağını proqnozlaşdıra bilmədiyini bildirib.

“Gələcəkdə nə olacağını deyə bilmərəm. Mövqeləri nəticələr müəyyənləşdirir və yaxşı mövsüm keçirməliyəm. Klub dəyişiklik etmək istəsə, qalmaram. Amma indi burda işləmək istəyim heç vaxt olmadığı qədər güclüdür”

Təcrübəli mütəxəssis həmçinin vurğulayıb ki, artıq təxminən 10 ildir klubun sükanı arxasındadır və bu qədər uzun müddət İngiltərədə işləyəcəyini əvvəldən təsəvvür belə etməyib.

Xatırladaq ki, Qvardiola 2016-cı ildən “Mançester Siti”yə rəhbərlik edir.