“Çelsi” Mixail Mudrikin müqaviləsini ləğv etdi

“Çelsi” klubu ukraynalı hücumçu Mixail Mudrikin müqaviləsini pozub.

90deqiqe.Az-ın "Marca"ya istinadən məlumatına görə,dopinq məsələsindən sonra Mudrik karyerasını bitirməyi düşünür.

Ukraynalı idmançı indi diqqətini atletikaya, xüsusilə də qaçışa yönəltmək niyyətindədir. O, 2028-ci il Olimpiya Oyunlarında yeni idman növündə çıxış etməyi planlaşdırır.

Qeyd edək ki, futbolçu dopinq testinin pozitiv çıxması səbəbindən oynaya bilmir. Mixail Mudrik “Çelsi”yə 2023-cü ildə transfer olunub. O vaxtdan etibarən futbolçu 73 oyunda iştirak edib, 10 qol vurub və 11 məhsuldar ötürmə edib.