“Arsenal" qarşısında nəticə ədalətlidir”

“Mançester Siti”nin baş məşqçisi Xosep Qvardiola Premyer Liqanın V turunda “Arsenal”la 1:1 hesablı heç-heçə barədə fikirlərini açıqlayıb.

90deqiqe.Az xəbər verir ki, "Sky Sports" təcrübəli çalışdırıcının dediklərini belə çatdırıb.

“Bir həftə ərzində çətin oyunlar keçirdik – əvvəl ‘Manchester United’, sonra Çempionlar Liqası… Bu gün isə güclü komandaya qarşı oynadıq. Komandamın dözümlülüyünə hörmət edirəm. Yüksək pressinq zamanı hücum qurmaq çox çətindir. Bir neçə dəfə hücuma çıxdıq və düşünürəm ki, nəticə ədalətlidir. Ümumilikdə ‘Arsenal’ daha yaxşı idi. Çox yorulmuşuq. ‘Napoli’ ilə oyun çox emosional idi, bərpa günündən sonra Londona gəldik. ‘Arsenal’ son iki mövsümdə titula mübarizə aparıb və Çempionlar Liqasının yarımfinalına çıxıb. Onlara qarşı oynamaq çətindir. Bir çox oyunçular yorulub və komandada bir neçə zədə var”.

Beş turun nəticəsinə əsasən, “Mançester Sit” 7 xalla turnir cədvəlində 9-cu pillədə qərarlaşıb.