“Donnarumma ilə Edersonu fərqli cəhətlərdə müqayisə etmək olar”

“Mançester Siti”nin baş məşqçisi Xosep Qvardiola qapıçı Canluici Donnarumma haqqında fikirlərini bölüşüb və onu keçmiş “birinci nömrə” Ederson ilə müqayisə edib.

90deqiqe.Az xəbər verir ki, "City Report" təcrübəli çalışdırıcının dediklərini belə çatdırıb.

“Dekabrdan bu yana komandaya doqquz yeni oyunçu gəlib və hələ bir çox mexanizmləri mənimsəməliyik. Qapıçımız rəqib fərdi müdafiə tətbiq edərkən sərbəst qalır. Addım-addım Donnarumma bundan faydalanmağı öyrənəcək. O yaxşı ötürmə edə bilir, hərçənd Ederson qədər uzaq deyil. Ederson isə bu komponentdə heç kimlə müqayisə olunmaz”.

Qeyd edək ki, italyan qapıçı komandaya sentyabrın əvvəllərində qoşulub və Edersonun “Fənərbaxça”ya transferindən sonra “şəhərlilər”in əsas qapıçısı olub.

Əlavə edək ki, bu gün “Mançester Siti” Premyer Liqada səfərdə “Arsenal”la 1:1 hesablı heç-heçə edib.