“Liverpul”un müdafiəçisi sıradan çıxıb

“Liverpul”un italiyalı müdafiəçisi Covanni Leoni klubdakı debüt oyununda ciddi zədə alıb.

90deqiqe.Az xəbər verir ki, 18 yaşlı futbolçu İngiltərə Liqa Kubokunda “Sauthempton”la (2:1) görüşdə dizinin bağlarını qoparıb.

Leoni bu səbəbdən bir neçə ay yaşıl meydanlardan kənarda qalacaq. Gənc oyunçu zədəsini görüşün sonlarına yaxın – 81-ci dəqiqədə alıb və onu Miloş Kyerkez əvəzləyib.

Xatırladaq ki, Leoni bu yay “Parma”dan “Liverpul”a 35 milyon avro qarşılığında transfer olunmuşdu.

Liqa Kubokunun növbəti mərhələsinin püşkü sentyabrın 24-də, bu raundun digər oyunlarından sonra atılacaq. Turnirin hazırkı qalibi “Nyukasl”dır. “Qarğalar” mart ayında keçirilən finalda “Liverpul”u 2:1 hesabı ilə məğlub etmişdi. Həlledici qolu Aleksandr İsak vurmuşdu.