“Əsas hədəfim komandaya qələbə qazandırmaqdır”

“Liverpul”un hücumçusu Aleksandr İsak İngiltərə Liqa Kubokunun 1/16 final mərhələsində “Sauthempton”a (2:1) qarşı oyundan sonra çıxışı və hazırkı vəziyyəti barədə danışıb.

90deqiqe.Az-ın məlumatına görə, isveçli forvard bu barədə klubun rəsmi saytına açıqlamasında bildirib.

“Formamı bərpa etmək yolundayam. Oyun vaxtı almaq xoş idi. Mənim üçün əsas məqsəd qələbədir. Bu, ən böyük prioritetimdir”

Xatırladaq ki, İsveç millisinin üzvü ötən yay “Nyukasl Yunayted”dən “Liverpul”a transfer olunub. Transfermarkt portalının məlumatına görə, futbolçunun hazırkı bazar dəyəri 120 milyon avrodur.

Bu mövsüm İsak bütün turnirlərdə “Liverpul”un heyətində 3 oyuna çıxıb və 1 qol vurub.