“Diogo Jotanı ailəsinə bütün müqavilə məbləği ödənilib”

“Liverpul”un baş məşqçisi Arne Slot klubun 3 iyulda baş vermiş qəzada həyatını itirən hücumçu Diogo Jotanı ailəsinə müqavilə üzrə bütün ödənişi etdiyini təsdiqləyib.

90deqiqe.Az xəbər verir ki, "TNT Sports" mütəxəssisin dediklərini belə çatdırıb.

“Artıq demişdim ki, azarkeşlərin reaksiyası məni fəxr etdirdi. Amma sahiblər barədə də danışmaq lazımdır… Sahiblər əsasən tənqid olunur, məşqçilər kimi, amma bu vəziyyətlə necə davrandılar – Jotanı həyat yoldaşı və uşaqlarına müqavilə üzrə bütün ödənişi vermələri – bunu alqışlamaq lazımdır. Bəlkə bəzi insanlar bunu təbii hesab edir, amma futbol dünyası üçün belə deyil”

Qeyd edək ki, Jotanı müqaviləsi 2027-ci ilin yayına qədər nəzərdə tutulmuşdu. Portuqaliyalı hücumçu 2020-ci ildən “qırmızılar”ın heyətində çıxış edirdi.