“Mançester Yunayted”də baş məşqçi dəyişikliyi gündəmdə

“Mançester Yunayted”in həmsahibi Cim Ratklif İngiltərə millisinin sabiq baş məşqçisi Qaret Sautqeytlə birbaşa təmasda olub.

90deqiqe.Az-ın "talkSPORT"a istinadən məlumatına görə, ingilis mütəxəssis komandanın baş məşqçisi Ruben Amori­nin istefası halında mümkün namizədlər siyahısına daxil edilib.

Mənbənin iddiasına görə, “qırmızı şeytanlar” hazırda Amori­ni istefaya göndərmək istəmirlər. Lakin əgər belə qərar qəbul olunarsa, kompensasiya məbləğini daha aşağı səviyyədə ödəmək üçün portuqaliyalı mütəxəssisə noyabrın 1-dən əvvəl istefa veriləcək.

Amorim “Mançester Yunayted”in sükanı arxasına 2024-cü ilin noyabrında keçib. Komanda İngiltərə Premyer Liqasının altı turundan sonra cəmi 7 xal toplayaraq turnir cədvəlində 14-cü yerdə qərarlaşıb.

Xatırladaq ki, Qaret Sautgeyt 2016–2024-cü illərdə İngiltərə yığmasına rəhbərlik edib. Onun başçılığı altında “üç şir” Avropa çempionatlarının iki finalına yüksəlib.