XXI əsrdə ilk dəfə böyük üçlük eyni gündə məğlub oldu

İngiltərə Premyer Liqasının 6-cı turunda eyni gündə “Çelsi”, “Liverpul” və “Mançester Yunayted”in məğlub olması nadir bir hadisə kimi tarixə düşüb.

90deqiqe.Az-ın "Opta Sport"a istinadən məlumatına görə, XXI əsrdə belə vəziyyət ilk dəfə qeydə alınıb.

Oxşar vəziyyət sonuncu dəfə 16 aprel 1994-cü ildə baş verib. Həmin vaxt “Mançester Yunayted” səfərdə “Uimbldon”a 0:1 hesabı ilə uduzub, “Çelsi” “Arsenal” qarşısında 0:1 hesabı ilə məğlub olub, “Liverpul” isə evdə “Nyukasl Yunayted”ə 0:2 hesabı ilə uduzub.

Cari mövsümün 6-cı turunda isə “Çelsi” evdə “Brayton”a 1:3, “Mançester Yunayted” səfərdə “Brentford”a 1:3 hesabı ilə uduzub. “Liverpul” isə “Kristal Pelas” qarşısında 1:2 hesabı ilə gözlənilməz məğlubiyyət alıb; komandanın ikinci qoluna isə əlavə vaxtın 7-ci dəqiqəsində icazə verilib.