“Arsenal” “Nyukasl”a qalib gəldi

İngiltərə Premyer Liqasının 6-cı turunda “Nyukasl Yunayted” və “Arsenal” komandaları qarşılaşıb.

90deqiqe.Az-ın məlumatına görə, matç “Sent-Ceyms Park” stadionunda baş tutub və 2:1 hesabı ilə Londonda çıxış edən “kanonirlər”in xeyrinə yekunlaşıb. 

34-cü dəqiqədə Nik Voltemade “Nyuкасl”ı önə çıxarıb. 84-cü dəqiqədə Mikel Merino hesabı bərabərləşdirib, 90+6-cı dəqiqədə isə Qabriel Maqalaynz “Arsenal”a qələbəni təmin edən qolu vurub.

Bu nəticədən sonra “Nyukasl Yunayted” 6 xalla turnir cədvəlində 15-ci pillədə qərarlaşıb. “Arsenal” isə 13 xalla ikinci yerdədir.

Növbəti turda “Nyukasl ” 5 oktyabrda “Nottingham Forest”i qəbul edəcək, “Arsenal” isə 4 oktyabrda “Vest Hem Yunayted”lə qarşılaşacaq.