“Onun komandamızda olmasına çox sevinirəm”

“Mançester Siti”nin baş məşqçisi Xosep Qvardiola komandanın kapitanı Bernardo Silvaya dair fikirlərini bölüşüb.

90deqiqe.Az xəbər verir ki, "City Xtra" çalışdırıcının dediklərini belə çatdırıb.

“Bernardo mənim çalışdırdığım ən yaxşı oyunçulardan biridir. Onunla bu komandada on il keçirmək mənim üçün böyük şərəfdir. O, istedadlı, ağıllı və çevik futbolçudur, müxtəlif mövqelərdə oynaya bilər. Onun komandamızda olmasına çox sevinirəm.”

Portuqaliyalı yarımmüdafiəçi 2017-ci ildən bəri “Mançester Siti”də çıxış edir. Cari mövsümdə Bernardo bütün turnirlərdə 7 oyuna çıxaraq 1 məhsuldar ötürmə edib.

Məlumata görə, “şəhərlilər” 31 yaşlı futbolçu ilə müqaviləni uzatmağı planlaşdırmır. Onun mövcud müqaviləsi gələn yay başa çatacaq.