Reinders “Milan”dan ayrılmasını şərh etdi

“Mançester Siti”nin yarımmüdafiəçisi Tijani Reinders yay transfer pəncərəsində “Milan”dan İngiltərəyə keçidi barədə danışıb.

90deqiqe.Az xəbər verir ki, "Sport Witness" 27 yaşlı futbolçunun dediklərini belə çatdırıb.

 “Milan"ı tərk etmək mənim üçün çox çətin idi. Orada hər kəslə əla münasibətlərim var idi – azarkeşlər, komandadaşlarım, personal… Bütün bunlar ayrılmağıma emosional baxımdan təsir edirdi. Amma ‘Mançester Siti’ qapımı döydükdə başa düşdüm ki, karyeramın inkişafı üçün bu, ən doğru qərardır”

Tijani Reinders 2023-2025-ci illərdə “Milan”da çıxış edib. Bu müddət ərzində o, 104 oyun keçirib, 19 qol vurub və 9 məhsuldar ötürmə edib.