Bentankur “Tottenhem”lə yeni müqavilə imzalayacaq

“Tottenhem”in yarımmüdafiəçisi Rodriqo Bentankur yaxın günlərdə klubla yeni əmək müqaviləsi imzalayacaq.

90deqiqe.Az-ın "Football London"a istinadən məlumatına görə, Kristian Romero ilə müqavilənin uzadılmasından sonra Bentankurun yenidən müqavilə bağlaması “Tottenhem” üçün prioritet məsələlərdən biri olub. Sənədlərin yaxın günlərdə rəsmi şəkildə imzalanacağı bildirilib.

Qeyd edək ki, Bentankur 2022-ci ildə “Yuventus”dan 19 milyon avro qarşılığında London klubuna transfer olunub. Cari mövsümdə 28 yaşlı futbolçu bütün turnirlərdə 9 matça çıxıb, lakin məhsuldar oyun göstərməyib. Onun mövcud müqaviləsi 2026-cı ilin iyununa qədər qüvvədədir.