Amorim "Mançester Yunayted"dən qovula bilər

"Mançester Yunayted"in baş məşqçisi Ruben Amorim yaxın zamanlarda vəzifəsindən ayrıla bilər.

90deqiqe.Az-ın "The Telegraph"a istinadən məlumatına görə, portuqaliyalı mütəxəssis, əgər komandası 7-ci turda "Sanderlend"ə məğlub olsa, istefaya göndərilə bilər. Həmin qarşılaşma 4 oktyabr, şənbə günü keçiriləcək.

Amorim 2024-cü ilin noyabrından etibarən "Mançester Yunayted"i çalışdırır. Hal-hazırda komanda İngiltərə Premyer Liqasının cədvəlində 14-cü pillədə qərarlaşıb. İlk altı matçda Amorimin komandası yalnız 7 xal toplaya bilib.

"Sanderlend" ötən mövsüm Çempionşipdən yüksələrək Premyer Liqaya qatılıb. 2025/2026 mövsümünə yaxşı başlayan komanda, bu günə qədər 11 xal toplayaraq cədvəlin 6-cı sırasındadır.