“Mançester Yunayted” evdə qələbə qazandı

İngiltərə Premyer Liqasının VII turunda “Mançester Yunayted” evdə “Sanderlend” komandası ilə qarşılaşıb.

90deqiqe.Az xəbər verir ki, “Old Trafford” stadionunda keçirilən oyunda ev sahibləri 2:0 hesabı ilə qalib gəlib. Matçın baş hakimi Stüart Atvell (Nunaton, Uorikşir) olub.

8-ci dəqiqədə Meyson Maunt hesabı açaraq “qırmızı şeytanlar”ı önə çıxarıb, 31-ci dəqiqədə isə Benyamin Şeşko komandaya üstünlüyü ikiqat artırıb.

Qələbədən sonra “Mançester Yunayted” 10 xalla turnir cədvəlinin 8-ci pilləsində qərarlaşıb, “Sanderlend” isə 11 xalla 6-cı sıradadır.

Növbəti turda “qırmızı şeytanlar” oktyabrın 19-da səfərdə “Liverpul”la, “qara pişiklər” isə oktyabrın 18-də evdə “Volverhempton”la qarşılaşacaq.