“Ruben Amorimi tam dəstəkləyirik”

“Mançester Yunayted”in yarımmüdafiəçisi Meyson Maunt İngiltərə Premyer Liqasının VII turunda “Sanderlend” üzərində 2:0 hesablı qələbədən sonra komandanın baş məşqçisi Ruben Amorimə dəstəyini ifadə edib.

90deqiqe.Az xəbər verir ki, "BBC" futbolçunun dediklərini belə çatdırıb.

“Biz baş məşqçimizi 100 faiz dəstəkləyirik. Elə nəticələrimiz olub ki, həm komandaya, həm məşqçi heyətinə, həm də azarkeşlərə mənfi təsir göstərib. Bu qarşılaşma bizim üçün çox vacib idi. Düşünürdük ki, ‘Çelsi’ ilə oyundan sonra hər şey dəyişəcək, amma ‘Brentford’a səfərdə məyusedici nəticə aldıq. İndi hər şey yenidən başlayır. Fasilə dönəmində çox çalışacağıq. Məqsədimiz ardıcıl iki, sonra üç qələbə qazanmaq və ilk dördlük uğrunda mübarizəyə qoşulmaqdır”

Hazırda “Mançester Yunayted” 10 xalla İngiltərə Premyer Liqasının turnir cədvəlində 9-cu pillədə qərarlaşıb.