Voltemade “Nyukasl” tarixində adını əfsanələrin sırasına yazdırdı

İngiltərə Premyer Liqasının növbəti turunda “Nyukasl” öz meydanında “Nottingem Forest”i 2:0 hesabı ilə məğlub edib.

90deqiqe.Az "BBC”ə istinadən xəbər verir ki, komandanın ikinci qolunun müəllifi Nik Voltemade olub. Almaniyalı hücumçu görüşdə penaltidən fərqlənib.

22 yaşlı futbolçu “Nyukasl” tarixində Premyer Liqa çərçivəsində “Sent-Ceyms Park” stadionundakı ilk üç oyununda da qol vuran cəmi üçüncü oyunçu olub. Ondan əvvəl bu uğura yalnız Les Ferdinand (1995) və Alan Şirer (1996) nail olublar.

Hazırda “Nyukasl” Premyer Liqanın turnir cədvəlində 11-ci pillədə qərarlaşıb.