“Keçən mövsüm karyeramı bitirməyi düşünmüşdüm”

“Mançester Siti”nin müdafiəçisi Con Stones keçən mövsüm yaşadığı zədələr səbəbindən karyerasını bitirməyi düşündüyünü açıqlayıb.

90deqiqe.Az xəbər verir ki, ""BBC" təcrübəli futbolçunun dediklərini belə çatdırıb. 

“Keçən mövsüm mənim üçün o qədər çətin oldu ki, karyeramı bitirməyi düşündüm.Peşəkar olmaq, hər şeyi düzgün etmək və sonra yenidən zədə almaq, cavab tapa bilməmək – bütün bunlar psixoloji baxımdan çox ağır idi. Təkrarlanan zədələr zamanı bəlkə sadəcə deyə bilərsən: ‘A, B və ya C-i etmədim, buna görə belə oldu’. Amma hər şeyi düzgün edirsən və yenə zədə alırsan – bu, psixika üçün həqiqi sınaqdır. Ümid edirəm, bir daha o vəziyyətə qayıtmayacağam.”

Qeyd edək ki, hazırda “Mançester Siti” İngiltərə Premyer Liqasında 5-ci pillədə qərarlaşıb.