“Arsenal”da qalmaq və uğur qazanmaq istəyirəm”

“Arsenal”ın müdafiəçisi Vilyam Saliba London klubunun trofey qazanmaq potensialı və öz gələcək planları barədə danışıb.

90deqiqe.Az xəbər verir ki,“Get French Football News”  24 yaşlı futbolçunun dediklərini belə çatdırıb. 

“Trofeylərim çatışmır, amma tezliklə onları əldə edəcəyik. Çünki komandamızda yaxşı məşqçi və güclü heyət var. Mən “Arsenal”da oynamağa davam etmək istəyirəm, çünki burada özümü evimdəki kimi hiss edirəm. Uzun müddət bu komandada qalmaq arzusundayam"

Fransalı futbolçu 2019-cu ildə “Arsenal”a qoşulub, lakin əvvəlcə “Sent-Etyen”, “Nitsa” və “Marsel” kimi klublara icarəyə verilib. Son iki mövsümdür ki, London təmsilçisinin əsas futbolçularından biridir. Ötən həftə isə Saliba “Arsenal”la müqaviləsini 2030-cu ilin yayına qədər uzadıb.