Mikel Artetanın oğlu "Arsenal”da debüt etdi

"Arsenal” klubunun baş məşqçisi Mikel Artetanın böyük oğlu Qabriel Arteta Bernal U17 komandası ilə “Uotford”a qarşı oyunda meydana çıxıb.

90deqiqe.Az "Arsenal Youth"a istinadən xəbər verir ki, ispaniyalı mütəxəssisin oğlu sağ cinah hücumçusu (vinger) mövqeyində çıxış edir.

Hazırda məlum deyil ki, gənc futbolçu klubla rəsmi peşəkar müqavilə imzalayacaq, ya yox.

Cari mövsümdə İngiltərə Premyer Liqasında “Arsenal” 7 turdan sonra 16 xal toplayaraq turnir cədvəlində birinci yerdə qərarlaşıb. Mikel Artetanın komandası ikinci pillədəki “Liverpul”dan 1 xal üstündür.

Növbəti matçını “kanonirlər” Londonda “Fulhem”lə keçirəcək.