"Mançester Yunayted"i almaq niyyətim yoxdur"

Səudiyyə Ərəbistanında əsas qlobal idman tədbirlərinə ev sahibliyi edən Səudiyyə Ərəbistanı Baş Əyləncə Təşkilatının sədri Turki Əl-Şeyx "Mançester Yunayted"in yeni investoru olacağı ilə bağlı şayiələrə cavab verib.

90deqiqe.Az xəbər verir ki, o,  bu barədə şəxsi sosial şəbəkə hesablarında yazıb.

"Əgər mənim 'Mançester Yunayted' klubunun satışına dair paylaşımım olubsa, bu, klubun yeni investorla danışıqlarının irəliləmiş mərhələyə çatdığını göstərir. Lakin mən bu investor deyiləm və o, mənim ölkəmdən də deyil. Mən bunu bir azarkeş olaraq yazdım, çünki belə bir razılaşmanın baş tutmasını istəyirəm, amma bu, mütləq baş verəcəyi demək deyil"

Əvvəlki məlumatlara əsasən, Qleyzer ailəsi "Mançester Yunayted"in öz paylarını 5 milyard funt sterlinqdən (təxminən 5,75 milyard avro) yüksək qiymətə satmağı nəzərdən keçirir.