“Nyukasl”ın yeni idman direktoru bilindi

Şotlandiyalı futbol rəhbəri Ross Uilson “Nyukasl”ın yeni idman direktoru vəzifəsinə gətirilib.

90deqiqe.Az-ın məlumatına görə, bu barədə klubun rəsmi saytı məlumatı yayıb.

“Ross Uilson idman strategiyası, kişilər və qadınlar komandalarının inkişafı və tərkibinin formalaşdırılması üzrə məsul olacaq. O, həmçinin futbol klubu rəhbərliyi və icra komandaları ilə sıx əməkdaşlıq edəcək”.

“Nyukasl” bir neçə ay ərzində yeni idman direktoru axtarırdı, əvvəlki vəzifə sahibi Pol Miçell postu tərk etmişdi.

Uilsonun karyerasında “Nottingem Forest”dən əlavə “Qlazqo Reyndcers”, “Sauthempton” və “Hadersfild Taun” klublarında iş təcrübəsi var.O, əvvəlcə “Nottingem Forest”də eyni postda çalışıb.