“Mançester Yunayted”də qalmaqdan xoşbəxtəm”

“Mançester Yunayted”in yarımmüdafiəçisi və kapitanı Bruno Fernandeş klubdakı gələcəyi barədə danışıb.

90deqiqe.Az-ın məlumatına görə, portuqaliyalı futbolçu “qırmızı şeytanlar”ın heyətində oynamaqdan məmnun olduğunu bildirib.

“Burada xoşbəxtəm. Əks halda qalmazdım… Anın dadını çıxarmağı sevirəm.

Səudiyyə Ərəbistanına keçid? Belə bir senarini təsəvvür etmək mümkün deyil, çünki bu barədə mənimlə heç nə müzakirə edilməyib”

Əvvəllər mətbuat Səudiyyə klublarının Fernandesi yenidən yanvar ayında almağa çalışa biləcəyini xəbər vermişdi.

Portuqaliyalı yarımmüdafiəçi 2020-ci ilin qışından bəri “Mançester Yunayted”də çıxış edir. Bu müddətdə o, bütün turnirlərdə 298 oyuna çıxıb, 100 qol vurub və 86 məhsuldar ötürmə edib. Futbolçunun klubla mövcud müqaviləsi 2027-ci ilin yayına qədərdir. Transfermarkt portalına görə, bazar dəyəri 50 milyon avrodur.