“Barselona" mənim üçün uyğun deyildi”

“Çelsi”nin hücumçusu Mark Qiu “Barselona”dakı çıxışları barədə danışıb.

90deqiqe.Az xəbər verir ki, "TV3" 19 yaşlı futbolçunun fikirlərini belə çatdırıb:

“Düzünü deyim, bir az daha çox oynaya bilərdim, amma klubun başqa planları olduğu artıq görünürdü. Orada Levandovski vardı və onlar yeni Vitor Roque ilə müqavilə bağlamışdılar. Mənim orada yerim olmadığı açıq idi. Fliklə bir dəfə danışdım, o sadəcə mənə uğurlar arzuladı. İstərdim ki, məşqçi mənə zəng etsin, amma bu baş vermədi. Nəticədə başa düşdüm ki, vəziyyət mənə uyğun deyil və getməyə qərar verdim”

Mark Qiu 2025-ci ilin sentyabrında “Barselona”dan “Çelsi”yə 8 milyon avroya keçib. Cari mövsümdə o, bütün turnirlərdə 4 oyuna çıxıb və 1 qol vurub.