“Nəticə qazanmalıyam, çünki bahalı transferəm”

"Mançester Yunayted"in yeni transferi Mateus Kunya komandasına olan təsirindən danışıb.

90deqiqe.Az xəbər verir ki, "Globo" braziliyalı futbolçunun dediklərini belə çatdırıb.

“Kluba gəlməyimdən cəmi iki ay keçir, amma hazırkı vəziyyətə görə elə hiss edirəm ki, sanki burada çoxdanam. Mən nəticə qazanmalıyam, çünki bahalı transfer kimi komandaya qatılmışam.”

Xatırladaq ki, “Mançester Yunayted” 26 yaşlı braziliyalı futbolçunu yay transfer pəncərəsində 75 milyon avroya heyətinə qatıb.

Kunha “qırmızı şeytanlar”ın heyətində indiyədək 7 oyuna çıxsa da, hələlik nə qol, nə də ötürmə ilə fərqlənə bilməyib. Hücumçunun İngiltərə klubu ilə müqaviləsi 2030-cu ilin iyun ayına qədər qüvvədədir.