UEFA klubların mülkiyyət qaydalarını yumşaltmağı planlaşdırır

Avropa futbol qurumları bir şəxsin və ya şirkətin eyni anda bir neçə klubun sahibi ola bilməsi ilə bağlı qaydaları sadələşdirməyi düşünür.

90deqiqe.Az “The Guardian”a istinadən xəbər verir ki, bu addım “Kristal Pelas”la bağlı son qalmaqaldan sonra gündəmə gəlib.

UEFA klublara potensial mülkiyyət problemlərini həll etmək üçün daha çox vaxt verməyi planlaşdırır. Məlumat təqdim etmə müddəti martın 1-də bitəcək, lakin iyun ayına qədər komandalar vəziyyəti düzəltmək üçün əlavə zaman əldə edəcəklər. Bu mexanizm cari mövsümdə “Kristal Pelas”ın Avropa Liqası iştirakının “Nottingem Forest”la əvəz olunması ilə bağlı vəziyyətin təkrar yaşanmaması üçün nəzərdə tutulub.

Qeyd olunur ki, “Kristal Pelas”ın bu qalmaqaldan itirdiyi məbləğ təxminən 22 milyon avrodur.